რატომ გადავწყვიტე, მქონოდა ბლოგი, უფრო სწორედ მისი მსგავსი რამ. ადრე ვცადე რაღაც ბლოგსპოტზე, თუმცა მერე ვიფიქრე, რომ ეს ჩემი საქმე არ იყო. ქართველი ბლოგერები ამ საქმეს ძალიან სერიოზულად უდგებიან, მე კიდე ასე არ შემიძლია, ალბათ იმიტომ, რომ კომპიუტერი ჩემი ცხოვრების განუყოფელი ნაწილი არ არის. ვერც სოციალურ ქსელებს და მსგავს რამეებს გავუგე დიდად. მიუხედავად ამ ყველაფრისა, ისევ გადავწყვიტე შემებიჯებინა ვირტუალურ სამყაროში.
დღეს დაიწყო გამოცდა უცხო ენებში. პირველი, რა თქმა უნდა, ინგლისურია, შემდეგ ფრანგული, რუსული და გერმანული. დრო ყველგან 2 საათი და 15 წუთია.არცერთ გამოცდაზე არ მინერვიულია. არც ინგლისური ყოფილა გამონაკლისი. დანარჩენი ორისგან განსხვავებით, ეს დილით მქონდა და კარგი იყო. ერთ საათში ყველაფერი დავწერე, თემის გარდა, რამდენჯერმე გადავხედე და შემდეგ თემა დავწერე. ერთი თემა იყო ზაფხულზე,არც წამიკითხავს წესიერად, ხოლო მეორე განათლებაზე, კარგი განათლების მითღება მარტო უცხოე ქვეყანაშია შესაძლებელიო. მე ეს უკანასკნელი დავწერე. რამდენიმე მეეჭვება,თუმცა, ვფიქრობ, ცუდი შედეგი არ უნდა მქონდეს.
კიდევ ერთხელ წარმატებები აბიტურიენტებს.შრომა ყველას დაუფასდება.
აბიტურიენტი ვარ და შესაბამისად, გამოცდების ორომტრიალში მეც მოვყევი. ორი გამოცდა ვწერე, ხვალ მესამე მაქვს ინგლისურში და ორიღა დამრჩება. სხვათა შორის, ეს ყველაფერი ძალიან მომწონს და ძალიან ვერთობი. ის კი არადა, რომ მორჩება ვფიქრობ, რა უნდა ვაკეთო მთელი ზაფხული(რა თქმა უნდა, პასუხების ლოდინის გარდა).
ყველა აბიტურიენტს წარმატებასა და სასურველ ფაკულტეზე მოხვედრას ვუსურვებ, განსაკუთრებით იმათ, ვისაც მართლა უნდა სწავლა და მხოლოდ მშობლების ხათრით ან გასართობად არ აბარებს.
